भोलिदेखि नेपाली बजारमा आइफोन टेन, मूल्य कति पर्छ हेर्नुहोस

मङ्सिर १४, काठमाडौं | संसारकै ख्यातिप्राप्त फोन आइफोनको पछिल्लो आइफोन एक्स अर्थात आइफोन टेन नेपाली प्रयोगकर्ताका लागि भोलीदेखि उपलब्ध हुने भएको छ ।

नेपालमा एप्पलको आइफोन तथा एप्पलका उत्पादनहरु म्याकबुक्स, आइप्याड, आइम्याकको एक मात्र वितरक जेननेक्स्टले आइफोन टेन भोली अर्थात डिसेम्बर १ देखि सार्वजनिक हुने जनाएको छ ।

नेपालका लागि एप्पलको आधिकारिक वितरक जेनरेशन नेक्स्ट कम्यूनिकेसनले नेपालमा केहि बर्षदेखि बजारमा एप्पलका उत्पादनहरु बिक्री गर्दै आएको छ ।

जेनरेशन नेक्स्टका अनुसार आइफोन टेन नेपाली बजारमा ६४ जिबी र २५६ जिबी स्टोरेजमा मात्र उपलब्ध हुनेछ भने सिल्भर र स्पेस ग्रे कलर अप्सनमा आउने छ ।

यसैबीच आइफोन खरिदकर्ताहरुको लागि फोन किनेपछि अर्ध वार्षिकीमा एकजना भाग्यशाली विजेताले स्कूटर लक्की ड्रमार्फत जित्न सक्नेछन् । यो अफर अन्तर्गत ग्राहकले आइफोन किनेपछि जेननेक्स्टको वेबसाइटमा आइएमइआइ नम्बर दर्ता गर्नुपर्ने हुन्छ ।

मूल्य कति पर्छ ?
यस अघि नेपाली बजारमा आइफोन टेनको मूल्यको बारेमा बिभिन्न भ्रमहरु सार्वजनिक भएका छन् तर जेनेरेक्सले नेपाली बजारमा आइफोन टेन ६४ जिबीको १ लाख ३८ हजार र २५६ जिबीको १ लाख ५९ हजार तोकिएको जनाएको छ ।

आईफोन एक्सको डिस्प्ले डिजाइनमा ५.८ इन्च सुपर रेटिना डिस्प्ले, ए-११ बायोनिक चिप, वायरलेस चारजिङ्ग र डुअल १२ मेगापिक्सल रियर कैमरा तथा डुअल अप्टिकल इमेज स्टेबलाइजेशन सहित उपलब्ध छ । मूल्यको कुरा गर्ने हो भने नेपालमा आइफोन १० हालसम्मकै महँगो स्मार्टफोन हो ।

भोलीदेखिने नेपालका इभो स्टोर, ओलीज, फ्यूचर वल्र्ड, आइस्टोर (राइजिङ मल) सिजी स्टोर (नक्साल) क्वालिटी कम्प्यूटर (बिर्तामोड), कम्प्यूटर सेल्स सेन्टर (बुटवल), आरपीएल ग्रुप (बिर्तामोड), न्यू एटुजेट मोवाइल हाउस (नारायणगढ) बाट आइफोन टेन किन्न सकिनेछ । कम्पनीले तोकिएका स्थानबाट मात्र आइफोन किन्न ग्राहकहरुलाई आग्रह गरेको छ ।

उसले आईफोन टेन किन्दा जेननेक्स्टको होलोग्राम हेर्न पनि भनेको छ । साथै ग्राहकले एप्पलका उत्पादनहरु आधिकारिक हुन वा होइनन थाहा पाउन www.gnextcom.com/check-service-tag गई एप्पल आइफोनको सिरियल नम्बर अथवा आईएमईआई नम्बर राखेर जाँच गर्न सक्नेछन् ।

यस अघि मङ्सिर १ गतेदेखि जेननेक्स्टले आइफोन ८ र ८ प्लस बिक्रि सुरु गरेको थियो ।