अमेरिकी पत्रकारहरूलाई चिनले प्रेस कार्ड नदिने

प्रकाशित मिति : September 7, 2020


काठमाडौं । चिनियाँ अधिकारीहरूले चीनमा बसेर अमेरिकी समाचार संस्थाका लागि काम गर्ने कम्तीमा तीन पत्रकारको प्रेस पास नवीकरण गर्न अस्वीकार गरेका छन् ।

द वाल स्ट्रीट जर्नल, सीएनएन र गेट्टी इमेजेजका पत्रकारहरूले हालै आफ्नो प्रेस कार्ड नवीकरण गर्न जाँदा उनीहरूलाई अनुमति नदिइएको बताइएको छ । अमेरिकाले चिनियाँ पत्रकारहरूका विरुद्ध लगाएको प्रतिबन्धका कारण यसो गरिएको बताइएको छ । त्यसको साटो पत्रकारहरूलाई म्याद गुज्रेको प्रेस कार्ड उपयोग गरेर काम गर्न मिल्ने अस्थायी अनुमतिपत्र दिइएको छ । त्यसको म्याद एक वर्षसम्मको हुन्छ ।

ह्वाइट हाउसले चिनियाँ पत्रकारहरूलाई अमेरिकामा काम गर्न दिइरहन्छ कि रोक्छ भन्ने विषयले चीनमा रहेका अमेरिकी मिडियाका पत्रकारको नवीकरण निर्भर रहने बताइएको छ । चीन र अमेरिकाले महिनौंदेखि पत्रकारमाथि गरिने व्यवहारका विषयमा क्रिया प्रतिक्रिया गरिरहेका छन् । अमेरिकाले आफ्नो देशमा रहेका चिनियाँ सरकारी मिडियालाई विदेशी नियोगको संज्ञा दिँदै १२ भन्दा बढी पत्रकारलाई देशनिकाला गरेको थियो ।

त्यसपछि चीनमा रहेका विदेशी पत्रकारहरूलाई समाचार संकलनमा निकै कठिनाइ आएको छ । उनीहरूलाई अन्तर्वार्ता गर्न रोकिएको छ र सुरक्षाकर्मीहरूले पछ्याउने गरेका छन् । केही प्राज्ञहरूले विदेशी सञ्चारमाध्यमसँग कुरा गर्नका लागि विशेष अनुमति लिनुपर्ने भएको बताएका छन् । एजेन्सी

प्रतिक्रिया दिनुहोस्

स्वर्गद्वारीमा जन्मियो अचम्मको बच्चा , उपचार गर्ने पैसा नभएर निराश भइ फर्किन बाध्य

प्यूठानको स्वर्गद्वारी नगरपालिकाका एक महिलाले अचम्मको बच्चा जन्माएकि छिन। स्वर्गद्वारी नगरपालिका वडा नं ३ जलूकेकी

आज पोखरामा

Humanity First२० वर्ष अगाडी देखी सडकमा बास गर्दै डुली हिड्ने आमाको उद्दार@ मानवसेवा आश्रम शाखा

१३ बर्षदेखी जेनिशा तामाङ्गलाई हेर्नुहोस

आज काठमान्डूको अनामनगरमा एउटा कोठा भित्र बस्ने जेनिसा तामांङ्गको उद्दार भएको छ १३ बर्ष पुगेकी

नेपाली महिलाको भारतमा को ठी, यसरी पक्राउ परिन् चमेली

काठमाडौं- नेपाली महिलाले भारतमा पुगेर कोठी सञ्चालन गरेको फेला परेको छ । उनले नेपालबाट महिलालाई

ताजा अपडेट