काठमाडौं प्रवेशमा थप कडाई, नाकामा के के चाहिन्छ यस्तो छ ब्यवस्था

काठमाडौं । तपाईँ काठमाडौं आउने सोचमा हुनुहुन्छ ? हुनुहुन्छ भने काठमाडौं उपत्यकामा प्रवेश गर्ने नाकामा प्रहरीले सताउनेछन । स्थानिय प्रशसनले जारी निषेधाज्ञा खुकुलो गरेपनि काठमाडौं प्रवेशमा भने थप कडाई गरेको छ ।

अव उपत्यकामा प्रवेश गर्न अनिवार्य रुपमा सरकारले तोकेको अत्यआवश्यकको मापदण्ड पुरा गर्नुपर्छ । यस अघि अत्यावश्यक कामका लागि काठमाडौं आवागमन गर्न सहज गरेको भएपनि निषेधाज्ञा केही खुकुलो भएपछि नाकामा कडाइ गरिएको काठमाडौंका प्रमुख जिल्ला जनकराज दाहालले बताए ।

अव काठमाडौं प्रवेश गर्नेहरुले नाकामा खटिएका सुरक्षाकर्मीले अत्यआवश्यक काम खुल्ने निवेदन, अत्यावश्यक काम स्पष्ट हुनुपर्ने र जुन जिल्लाबाट आएको हो सोही जिल्ला प्रशासन कार्यालयको अनुमति पत्र र स्थानिय तहले दिएको सिफारिस अनिवार्य बोक्नु पर्नेछ ।