ओम्नी समूहलाई सरकारको डण्डा, एक वर्षसम्म कालोसूचीमा

काठमाडौं । सार्वजनिक खरिद अनुगमन कार्यालयले ओम्नी समूह एक बर्षका लागि कालोसूचीमा परेको छ । सम्झौता अनुसारको मेडिकल सामाग्री आयात नगर्ने कम्पनी ओबीसीआई प्रालि (ओम्नी) कालोसूचीमा राखेको हो ।

भदौ २८ देखि लागू हुनेगरी १ वर्षका लागि ओम्नीलाई कालोसूचीमा राखेको हो । अब १ वर्ष सार्वजनिक निकायको कुनै पनि खरिद तथा ठेक्का प्रक्रियामा भाग लिन नपाउने भएको हो ।

ललितपुर कृष्णगल्ली कार्यालय भएको र तुलहरी सिंह प्रमुख व्यक्ति रहेको ओबीसीआई प्रालिलाई स्वास्थ्य सेवा विभागको सिफारिसमा १ वर्षका लागि कालोसूचीमा राखिएको सार्वजनिक खरिद अनुगमन कार्यालयले जनाएको छ ।

ओम्नी समूहलाई स्वास्थ्यसेवा विभागले गत चैतमा करीब १ अर्ब २५ करोड रुपैयाँको मेडिकल सामग्री खरिदकोे ठेक्का दिएको थियो । मेडिकल सामग्री खरिदमा करोडौं रूपैयाँ अनियमितता गर्न खोजेको आरोप लागेपछि विभागले ठेक्का खारेज गरेर ओम्नीलाई कालोसूचीमा राख्ने निर्णय गरेको हो ।