१५ प्रतिशत लाभांश दिने आशा लघुवित्तको प्रस्ताव

काठमाडौं । आशा लघुवित्त वित्तीय संस्थाले १५ प्रतिशत लाभांश दिने भएको छ । कम्पनीले आर्थिक बर्ष २९७६–७७ को नाफाबाट सेयरधनीलाई १५.७८९ प्रतिशत अर्थात ३ करोड ६६ लाख ७७ हजार ५३ रुपैयाँ बराबरको लाभांश दिने प्रस्ताव गरेको हो ।

कम्पनीको चुक्ता पुँजीको १५ प्रतिशत बोनस सेयर र कर प्रयोजनको लागि ०.७८९ प्रतिशत नगद लाभांश गरी संस्थाले सो मात्राको लाभांश वितरण गर्ने प्रस्ताव गरेको हो । संस्थाको सञ्चालक समितिको ७८औं बैठक भदौ ३१ गते बसेको थियो ।

हाल संस्थाको चुक्ता पुँजी २३ करोड २२ लाख ८८ हजार रुपैयाँ रहेको छ । १५ प्रतिशत बोनस वितरण पश्चात लघुवित्तको चुक्ता पुँजी २६ करोड ७१ लाख रुपैयाँ नाघ्ने छ । नेपाल राष्ट्र बैंकले स्वीकृत तथा आगामी साधारण सभाले पारित गरेपछि मात्रै सेयरधनीले सो मात्राको लाभांश पाउने भएका छन् ।