नेकपा सचिवालय बैठक फेरी बालुवटारमा बस्ने, बामदेव र नारायणकाजीलाई मन्त्री बनाउन प्रचण्डको जोड

काठमाडौं । सोमबार नेकपाको पेरिसडाँडामा बस्ने भनिएको नेकपाको सतिचवालय बैठक फेरी बालुवाटारमा बस्ने भएको छ । सोमबार पेरिसडाँडामा बस्ने तयारी अन्तिम अवस्थामा तयारी नपुगेको भन्दै नेकपा सचिवालय बैठक प्रधानमन्त्री निवास बालुवाटारमा मंगलबार साँढे १२ बजेपछि बस्ने बताइएको छ ।

पार्टीबाट सरकारमा सिफारिस हुने नयाँ मन्त्रीहरुको नामावली संवैधानिक र राजनीतिक नियुक्तिका लागि अपनाइने मापदण्डबारे छलफलको तयारी नपुगेको भन्दै पार्टी बैंठक स्थगित गरिएको थियो । आज पार्टी एकताको बाँकी सांगठनिक कामबारेपनि छलफल हुन बताइएको छ ।

आइतबार पार्टी सचिवालय बैंठकमा पार्टी अध्यक्ष प्रचण्डलगायत अन्य केही नेताहरुले पार्टी उपाध्यक्ष बामदेव गौतमल र नारयणकाजी श्रेष्ठलाई मन्त्री बनाउनुपर्ने प्रश्ताव अघि सारेका थिए । बैठकमा बोल्ने केही सचिवालयका नेतालेसमेत गौतम र श्रेष्ठलाई मन्त्री बनाउने प्रश्तावमा सर्मथन जनाएका थिए ।

यो भन्दाअघि आइतबार पेरिस डाँडामा बसेको सचिवालय बैठकमा मन्त्रिपरिषद् पुनर्गठनको मापदण्डबारे छलफल भएको थियो । हिजो पेरिसडाँडामा बैठक बस्ने भनिएको बैठक स्थगित भएर आज बालुवाटारमा बस्न लागेको हो ।