६ महिनादेखि साढे सात करोडको छोकडा बन्दरगाहमा रोकियो,सडेर बिग्रिन थालेको आयातकर्ताको गुनासो

काठमाडौं । करिब साढे सात करोड बराबरको ५० कन्टेनर छोकडा बन्दरगाहामा रोकिएको छ ।
तेस्रो देशबाट सुक्खा बन्दरगाह हुँदै नेपाल प्रवेश गर्ने छोकडामा प्रतिबन्ध लगाएपछि साढे सात करोड मूल्य बराबरको ५० कन्टेनर छोकडा वीरगञ्जमा रोकिएको हो ।

नेपाल सरकारले चैत १६ गतेपछि आएको छोकडा नछोड्ने निर्देशन दिएपछि करिब ५० कन्टेनर छोकडा बन्दरगाहमै अड्किएको सुक्खा बन्दरगाह भन्सार कार्यालय सिर्सियाका निर्मित प्रमुख जगदिश पूर्वेले बताए ।
विदेशी मुद्रा सञ्चितिमा दबाब बढपछि नेपाल सरकारले गएको चैत १६ गतेयता यस्ता वस्तुको आयातमा प्रतिबन्ध लगाएको छ ।

नेपाल सरकारले गरेको निर्णयपछि मरिच, केराउ र सुपारी नेपाल भित्रिएका छन ।
छोकडा भने विगत पाँच महिनाभन्दा लामो समयदेखि बन्दरगाहमा रोकिएको आयातकर्ता नगनित अग्रवालले बताएका छन ।
बन्दरगाहमा आइपुगेको छोकडाको जाँच पासमा रोक लगाएपछि तेही अड्किएको हो ।