साढे १ प्रतिशतले घटेर नेप्से २ अर्ब ८० करोडको कारोवार

काठमाडौं । मंगलबार साढे १ प्रतिशतले नेप्से घटेको छ । मंगलबार नेप्से २२.९१ अंक अर्थात १.४६ प्रतिशत घटेर १५४६.१५ विन्दुमा झरेको छ । त्यसैगरी, सेन्सेटिभ इण्डेक्स ४.८४ अंक, फ्लोट इण्डेक्स १.७५ अंक र सेन्सेटिभ फ्लोट इण्डेक्स १.७२ प्रतिशत घटेको नेप्सेले जनाएको छ ।

मंगलबार १९९ कम्पनीको २ अर्ब ८० करोड ६९ लाख ७७ हजार रुपैयाँ बराबरको कारोबार भएको छ । त्यस्तै मंगलबार ७८ लाख ३१ हजार कित्ता शेयर खरिदबिक्री जनाएको छ ।

त्यस्तै लिबर्टी इनर्जी र घलेम्दी हाइड्रोको शेयरमूल्यमा नकारात्मक सर्किट लागेको छ । युनाइटेड फाइनान्सको शेयरमूल्य ६.८२ प्रतिशत बढेको छ । विकास बैंक र जलविद्युत उपसमूहको परिसूचक २ प्रतिशतभन्दा बढी घटेको छ ।