६ दिनमा नै १ लाख बढि मानिसले काठमाडौं प्रवेश गरे

काठमाडौं । सरकारले लामो समय लकडाउन लगाएको थियो । लकडाउन तथा निषेधाज्ञाको समयमा सबै सेवा ठप्प थिए । त्यससमयमा कुनै पनि मानिसले आहोरदोहोर गर्न पाएका थिएन । करिव ७ महिना लामो समयपछि यातायात सञ्चालनमा आएका छन् । काठमाडौ प्रवेशमा कडाई गरेकोमा हाल यातायात सञ्चालनमा आएपछि १ लाखभन्दा बढि मान्छे उपत्यका प्रवेश गरेका छन् ।

असोज १ गतेदेखि लामो दुरीका सार्वजनिक सवारी साधन खुला गरेपछि काठमाडौं उपत्यकामा ६ गते साँझसम्म विभिन्न नाकाबाट २४ हजार ३ सय ४७ वटा सवारी साधन भित्रिएको महानगरीय ट्राफिक प्रहरी महाशाखाले जनाएको छ । त्यस्तै १ लाख १ हजार १ सय ६ सय २८ जना यात्रु काठमाडौं प्रवेश गरेको प्रहरी महाशाखाले जनाएको छ ।

कठमाडौं आउने मात्रै होईन बाहिरिनेको संख्या पनि उत्तिकै रहेको छ । २४ हजार ६ वटा सवारी साधन काठमाडौंबाट विभिन्न जिल्लामा गएका छन् । त्यसैगरी २४ हजार ७ सय मानिसले काठमाडौं छोडेका छन् ।