सिद्धार्थ बैंकले ३ अर्वको ऋणपत्र ल्याउने, वार्षिक ८.५० प्रतिसत व्यादर

काठमाडौं । सिद्धार्थ बैंकले ३ अर्वको ऋणपत्र निष्कासन गर्ने भएको छ । बैंककले आगामी असोज १६ गतेदेखी बार्षिक ८.५० प्रतिशत ब्याजदर ऋणपत्र निश्काशन गर्ने लागेको हो । बैंकले ३ अर्ब रुपैयाँको ऋणपत्र बिक्री गर्ने जनाएको छ । प्रतिकित्ता १ हजार रुपैयाँ बराबरको ३० लाख कित्ता ऋणपत्र बिक्री गर्ने बैंकले जनाएको छ ।

बैंकको जम्मा ऋणपत्रमध्ये १ अर्ब ८० करोड रुपैयाँ बराबरको १८ लाख कित्ता व्यक्तिलाई बिक्री गर्ने भएको छ भने १ अर्ब २० करोड रुपैयाँ बराबरको १२ लाख कित्ता सर्वसाधारणका लागि निष्काशन गर्ने जनाएको छ ।

सर्वसाधारणका लागि निष्काशन गरिने ५ प्रतिशत अर्थात ६० हजार कित्ता ऋणपत्र सामूहिक लगानी कोषका लागि छुट्याइएको छ । सर्वसाधारणले बाँकी ११ लाख ४० हजार कित्ताका लागि आवेदन दिन सक्नेछन ।

यसको ७ वर्ष अवधि रहेको छ भने बिक्री प्रबन्धक एनएमबि क्यापिटल लिमिटेड रहेको छ । सो ऋणपत्रमा छिटोमा असोज २० गते र ढिलोमा असोज ३० गतेसम्म आवेदन दिन सकिनेछ ।