कुलमान गएपछि प्राधिकरणमा मुसा पस्यो

काठमाडौं । नेपाल विद्युत प्राधिकरणको प्रमुख कार्यकारी निर्देशकबाट कुलमान घिसिङको चार बर्षे कार्यकाल सकिएपछि सवस्टेशनमा मुसा पस्न थालेको छ । कार्यकारी निर्देशक कुलमान हुँदा १८ घण्टा लामो लोडसेटिङ हटाएका थिए । उनको कार्यकाल सकिएपछि लोडसेटिङको झल्को दिने गरि समय समयमा बत्ति जाने समस्या आएको छ ।

आइतबार दिउँसो ३ बजेदेखि काठमाडौं उपत्यकाका दर्जन बढी स्थानमा बत्ती गएको थियो । सबस्टेसन को प्यानलबोर्डमा मुसा पसेका कारण वितरण लाइनमा समस्या देखिएको नेपाल विद्युत प्राधिकरणले जनाएको छ ।

प्राधिकरणको लैनचौर सबस्टेशनको प्यानलबोर्डमा मुसा पसेकोले उक्त सबस्टेशनबाट विद्युत आपुर्ती हुने बागवजार, राजदरबार, लैनचौर, लाजिम्पाट, महाराजगज, पानीपोखरी, गैह्रीधारा, ठमेल, सामाखुशी, टगाल, बवरमहल लगायतका क्षेत्रमा दिउँसो ३ बजेबाट लाइन अवरुद्ध भएको प्राधिकरणले जनाएको छ ।

अहिले मर्मत टोलीले काम गरीरहेको र विद्युत पुनः संचालन हुन केहि समय लाग्ने प्राधिकरणको भनाइ छ ।