कतारबाट ९० जना नेपालीलाई डिपोर्ट

दोहा – विभिन्न अभियोगमा बन्दी जीवन विताएका व्यक्तिसहित ९० जना नेपालीलाई कतारले डिपोर्ट (फिर्ता) गरेको छ ।

कानून उल्लघंनको गरेको अभियोगमा विभिन्न समयमा पक्राउ गरी  फिर्ती केन्द्रमा राखिएका उनीहरूलाई नेपाल डिपोर्ट गरिएको हो ।

कोरोनाको कारण देखाउदै कतारले आममाफी दिएका तथा बन्दी जीवन बिताएका नेपालीहरुलाई यसअघि पनि कतारले डिपोर्ट गरेको थियो ।

कतारमा आममाफी पाएका, विभिन्न अभियोगमा बन्दी जीवन बिताएका र कतारको डिपोर्टेशन सेन्टरमा रहेका ९० जनासहित २५१ नेपालीलाई लिएर कतार एयरलाइन्सको जहाज दोहाबाट काठमाडौँका लागि उडेको कतारस्थित नेपाली दूतावासका द्वितीय सचिव प्रवीण भट्टराईले जानकारी दिए ।

यसअघि कतार एयरलाइन्सको पहिलो उडानमार्फद आममाफी पाएका ४३ जना, दोस्रो उडानमार्फत १६१ जना तथा तेस्रो उडानबाट १४० जनालाई डिपोर्ट गरिसकेको दूतावासले जनाएको छ ।