भरिया बन्दै विपिन (भिडियो)

काठमाडौं – अभिनेता विपिन कार्कीले अभिनय गरेको म्युजिक भिडियो सार्वजनिक भएको छ । उनी अभिनित ‘डर छैन’ बोलको गीत युट्युबमार्फत सार्वजनिक गरिएको हो ।

सार्वजनिक गरिएको गीतमा सन्तोष लामाको स्वर सुन्न सकिन्छ भने नारायण गौतमले शब्द कोरेका छन् । यस्तै गीतमा हरि लम्सालले संगीत दिएका छन् ।

भिडियोमा विपिनसँगै लोकमणि गौतम र बालकलाकार स्रभनी थापाको समेत अभिनय देख्न सकिन्छ ।

म्युजिक भिडियोको निर्देशन निकेश खड्काले गरेका हुन् । उनी फिल्म निर्देशक पनि हुन् । त्यसैगरी भिडियोमा हरि हुमागाईंको छायांकन र विकास धमलाको सम्पादन छ ।

‘जात्रा’, ‘पशुपतिप्रसाद’, ‘प्रसाद’ लगायतका फिल्ममा अभिनय गरेका विपिनको यो तेस्रो म्युजिक भिडियो हो ।